ALLAH jadikan saraba ampat
syari'at tharikat hakikat makrifat
Menjadi satu di dalam khalwat
Rasa nyamanya tiada tersurat
Huruf ALLAH ampat banyaknya
Alif i'tibar dripada zat-nya
Lam awal dan akhir sifat dari asma
Ha isyarat dari af'al-Nya
Jibril mikail malaikat mulia
Isyarat sifa jalaj dan jamal
izrail rupa pasangannya
I'tibar sifat qahar dan kamal
Jabarail asal katanya
Bahasa suryani asal mulanya
Kebesaran ALLAH itu artinya
Jalalullah bahasa Arabnya
Nur muhammad bermula nyata
Asal jadi alam semesta
Saumpama api dengan panasnya
Itu muhammad dengan tuhannya
Api dan banyu tanah dan hawa
Itulah dia alama dinia
Menjadi awak berupa-rupa
Tulang sungsum daging dan darah
Manusia lahir ke alam insan
Di dalam ajsam ampat ampat bakawanan
Situbaniyah dan tambuniyah
Uriyah lawan si camariyah
Dasa dan akal daya dan nafsu
Di dalam raga nyata bersatu
Aku meliputi segala liku
Matan hujung rambut ka hujung kuku
Tubuh dan hati nyawa rahasia
Satu yang jahir amat nyatanya
Tiga yang batin pasti adanya
Alam shagir itu sabutannya
Mani manikam madi dan majdi
Titis manitis jadi manjadi
Si anak Adam balaksa kati
Hanya yang tahu Allahurabi
Kaampatnya kada tapisah
Datang dan bulik kapada Allah
Asalnya awak dari pada tanah
Asalpun tanah sudah disyarah
Dadalang simpur bamain wayang
Wayang asalnya kulit kijang
Agung dan sarun babun dikancang
Kalir bapasang di atas gadang
Wayang artinya si bayang – bayang
Antara kadap silawan tarang
Samula majas harus dipandang
Simpur balakun hanya saurang
Samar bagung sinala garing
Sijambulita suara nyaring
Ampat syariat amatlah panting
Siapa handak mancari haning
